पूर्व ऊर्जामन्त्री गोकर्ण विष्ट २०२२ सालमा गुल्मीको दोहली गाविसमा जन्मेका हुन् । नेकपा एमालेका केन्द्रीय सदस्य तथा पार्टीको बुद्धिजिवि परिषद्का इञ्चार्जसमेत रहेका उनले आफ्नो कार्यकालमा ऊर्जा संकट कम गर्न विशेष काम गरेर चर्चित बनेका थिए । त्रिभुवन विश्वविद्यालयबाट व्यवस्थापनमा स्नातकोत्तर र नेपाल ल क्याम्पसबाट कानूनमा स्नातक गरेका उनी २०३५/०३६ सालको विद्यार्थी आन्दोलन सँगै राजनीतिमा प्रवेश गरेका हुन् । तत्कालीन प्रजातान्त्रिक राष्ट्रिय युवासङघ (हाल युवा संघ) को दुई कार्यकाल अध्यक्षको जिम्मेवारी सम्हालिसकेका छन् । यूरोप, एशिया, अफ्रिकी महादेश र ल्याटिन अमेरिकाका गरी करीब २२ देशको भ्रमण उनले गरिसकेका छन् ।
गुल्मी जिल्लाको क्षेत्र नं. ३ बाट अत्याधिक बहुमतले विजयी भएका विष्ट संग पछिल्लो राजनिति अवस्था, युवा संघको विवाद संगै गुल्मी क्षेत्र नं. ३ को महत्वपुर्ण राजमार्ग तम्घास–फुलबारी–सिमलटारी हुँदै प्युठान जोड्ने ४२ किलोमिटर कालोपत्र हुँदै गरेको सन्दर्भका बारेमा संवाददाता विकाश पराजुलीले गरेको कुराकानीको संम्पादित अंक यसरी प्रस्तुत गरिएको छ ।

प्रचण्डले त एमाले पार्टीनै होईन, कांग्रेसका एजेण्डामा गयौ भनेर आचोलना गर्नुभयो । के प्रचण्डले भने जस्तै एमालेले आफ्ना एजेण्डाबाट पछि गएको हो त ?
नेकपा एमाले संविधान निर्माणका लागि जुन प्रकारको अडान र तत्परता जाहेर गरेको छ । त्यो कारणले नै प्रचण्ड थप आतंकित हुने परिस्थित उत्पन्न भएको होला । यस कारणले उहाले एमाले विरुद्ध आफ्ना भनाई केन्द्रीत गर्नुभयो भन्ने लाग्छ ।  यदि एमाले पार्टी कमजोर पार्टी हो भने एमाले पार्टीको यति चर्चा परिचर्चा आलोचना भ्रषना गर्नुपर्ने थिएन होला । उहाँहरुका जुन प्रकारका मनसायहरु छन् त्यी मनसायहरु पुरा गर्नका लागि नेकपा एमाले बाधक भयो भन्ने उहाहरुको ठम्माई छ । यस अर्थमा उहाहरुको अभिव्यक्ति र आलोचनाको निशाना नेकपा एमाले बनेको छ । यसलाई मैले अरु हिसावले धेरै महत्व दिन चाहदैन । महत्व यसलाई मात्र दिन चाहन्छुकी उहाँहरुले आफ्ना विचारहरु जसरी राख्नुहुन्छ त्यो उहाँहरुका आफ्ना मान्याता हो । नेकपा एमाले नयाँ संविधान मार्फत लोकतान्त्रिक, गणतान्त्रीक, संघियता, धर्मनिरुपेक्षता लगाएतका इसु संविधान मार्फत अझ संस्थागत गर्छ र जनतका गरिबी, बरोजगारीका समस्या खोज्नका लागि संविधान निर्माण मार्फत नयाँ बाटो देखाउने र सामाजिक न्याय सहितको एउटा समृद्धि देश निर्माणको प्रक्रियामा अगाडि बढ्नको लागि जुन भुमिका निर्वाह गर्नुपर्छ, त्यो हामीले गरेका छौ । यस कारण महत्वपुर्ण विषय त हामीले अधिकार सम्पन्न संविधान निर्माण गर्ने र त्यो संविधानले सुखद भविष्य निर्माण गर्ने नै महत्वपुर्ण विषय हो ।
वस्तुमा विद्युत सव स्टेशनको कुरा आएको छ । क्षेत्र नं. ३ का गाविसहरुमा विद्युतीकरण के हुदै छ ?
एउटा सव स्टेशन बस्तुमा छ । यो सव स्टेशन सम्पन्न नहुँदा सम्म हामीले अस्थायी व्यवस्थापन गरेर विद्यूतीकरण गर्नका लागि तयारी गरेका छौ । क्षेत्र नं. ३ का २८ वटै गाविसमा सवै जनताले विजुली प्राप्त गर्ने गरी त्यसको लागि आवश्यक पर्ने रकमको व्यवस्था गरिएको छ । अब सबै जनताले विजुली प्राप्त गर्ने गरी विद्युतिकरण हुने गरी योजना अगाडि बढ्दै छ ।