बुटवल, भदौ २८ । लुम्बिनी अञ्चल अस्पतालले सटर भाडामा लगाउन टेण्डर आह्वान गरे लगत्तै त्यसको विरोधमा उत्रिएका व्यवसायीहरुले शनिबार सटर टेण्डरको विरोध गर्दै प्रदर्शन गरेका छन् ।
सटर टेण्डर रद्द गर्न माग गर्दै अञ्चल अस्पतालको गेटमा नारा जुलुस गर्दै अस्पतालभित्र छिर्न खोज्दा प्रहरी र आन्दोलनकारी व्यवसायीहरु बीच झडप भएको हो ।  प्रहरी र आन्दोलनकारी व्यवसायीबीच भएको झडपमा २ जना व्यवसायी घाइते भएका छन भने प्रहरीले १० जना सटर व्यवसायीलाई गिरफ्तार गरेको छ । अस्पतालका व्यबसायिक प्रयोजनका लागि बनाइएका सटरको लागि गरिएको खुल्ला टेण्डर आह्वानको बिरोध स्वरुप आन्दोनमा उत्रिएका ब्यापारी र प्रहरीबीच झडप भएको हो ।
भदौ १ गते खुलेको टेण्डर यही मसान्तसम्म टेण्डरको म्याद रहेकोमा व्यवसायीहरुले सो प्रक्रियालाई रोक्न भन्दै कडा प्रदर्शनमा उत्रिएका छन् । सटर व्यवसायीहरु प्रहरीस“ंग मुठभेड गर्न खोजेकाले पक्राउ गरिएको इलाका प्रहरी कार्यालय बुटवलका प्रहरी निरीक्षक सोम थापाले बताए । प्रहरीले  रोशन गिरी, रामप्रसाद पन्थ, शशि पौडेल, बाबुराम आचार्य, हुमाकान्त काफ्ले, सन्तोÈ राना, विकास भण्डारी, गण्ँेश शर्मा, भरत नेपाल र प्रेम चौधरीलाई पक्राउ गरी सा“झ मात्र छाडेको छ ।   सटर व्यवसायी समितिले भने शान्तिपूर्ण प्रदर्शनमा प्रहरीले हस्तक्षेप गरेको बताएको छ । सटर व्यवसायी समितिका सचिव डिल्लीराज भण्डारीले शान्तिपूर्ण आन्दोलनमा प्रहरीले जर्वजस्ती हस्तक्षेप गरी आफ्ना व्यवसायीहरुलाई गिरफ्तार गरेको बताए । प्रहरीले सुरुमा तीन जनालाई नियन्त्रण्ँमा लिएपनि आक्रोशित हु“दै आन्दोलनकारीहरुले बजारका सटर बन्द गर्न खोजेपछि थप ७ जनालाई नियन्त्रण्ँमा लिएको थियो । प्रदर्शनकारीहरुले भने डा.तारानाथ पौडेलको राजीनामा माग गर्दै आफुहरुमाथि अन्याय भएको बताएका छन् ।

 
लामो समयपछि सटर टेण्डरमा लगिएकाले आन्दोलन गर्दैमा टेण्डर रद्द नहुने भन्दै प्रक्रिया भन्दा अर्को विकल्प नभएको अस्पतालको मेडिकल अधिकृत लक्ष्मीराज रेग्मीले बताए ।  अस्पताल लाईनमा ठूलो संख्यामा सशस्त्र,जनपथ प्रहरीहरु परिचालन गरिएको छ । यसैबीच रुपन्देहीका विभिन्न राजनैतिक दलका नेता र संघसस्थाका अध्यक्ष तथा प्रतिनिधिले शान्तिपूर्ण आन्दोलन गरिरहेका सटर यवसायीहरुलाई प्रहरीले वल प्रयोग गरी गिरफ्तार गरेको भन्दै बिरोध गरेका छन् ।
शान्तिपूर्ण आन्दोलन गर्न पाउने अधिकारलाई हनन गरी व्यवसायीलाई गिरफ्तार गरिएको कार्य  लोकतन्त्र बिरोधि भएको भन्दै निन्दा गरेका छन् । संघसस्थाहरुले शनिबार बुटवलमा आयोजना गरेको छलफल कार्यक्रममा बोल्ने राजनैतिक दलका नेता व्यवसायी संघसस्थाका अध्यक्ष तथा प्रतिनिधिहरुले गिरफ्तार गरिएका व्यवसायीलाई तत्काल विना सर्त रिहा गर्न माग गरेका छन् । छलफल कार्यक्रममा बोल्ने राजनैतिक दलका नेताहरुले व्यवसायीलाई तत्काल रिहा गरी टेण्डर प्रक्रियालाई स्थगित नगरेसम्म समस्याको समाधान हुन नसक्ने बताएका छन् । कार्यक्रममा नेपाली कांगे्रसका खेलराज पाण्डे, एमालेका ज्ञानराज अर्याल,एमाओवादीका कृष्ण पोखरेल,राष्ट्रिय जनमोर्चाका दीपक पौडेल, एमाओवादीका अमरलगायतले बोल्दै समस्याको समाधान टेण्डर हुनै नसकने बताए ।
त्यस्तै रुपन्देही उद्योग संघका अध्यक्ष वोनिन पिया,बुटवल उद्योग वाणिज्य संघका कोषाध्यक्ष उज्जवल कसजु,औषधि व्यवसायी संघ लुम्बिनी शाखा अध्यक्ष सुनिल श्रेष्ठ, पुस्तक व्यवसायी संघ रुपन्देही अध्यक्ष यमलाल लोहोनीलगायतले बोलेका थिए । रुपन्देही व्यपार संघका कार्यवाहक अध्यक्ष मोतिलाल पाण्डेको अद्यक्षता र  डिल्लीराज भण्डारीको सञ्चालनमा उक्त कार्यक्रम सम्पन्न भएको थियो ।