भत्काइए बुटवलका भव्य घर
- विकाश पराजुली बुटवल, ११ जेठ । बुटवल–बेलहिया व्यापारिक मार्गअन्तर्गत राजमार्ग चौराहामा सडक अतिक्रमण गरी बनाइएका १० घरमा डोजर चलाइएको छ । पटक–पटक घरधनीहरूलाई सडक क्षेत्रभित्र पर्ने घरहरू भत्काउन आग्रह गरेपनि धरधनीहरूले अटेर गरेपछि आईतबार १० घरमा डोजर चलाइएको हो ।
ठूलो संख्यामा प्रहरी सुरक्षाका बीच चौराहामा आईतबार सांकेतिक रुपमा डोजर चलाइएको वडा प्रहरी कार्यालय बुटवलका प्रहरी निरीक्षक केदारनाथ पन्तले जानकारी दिए ।
ठूलो संख्यामा प्रहरी सुरक्षाका बीच चौराहामा आईतबार सांकेतिक रुपमा डोजर चलाइएको वडा प्रहरी कार्यालय बुटवलका प्रहरी निरीक्षक केदारनाथ पन्तले जानकारी दिए ।
सांकेतिक रुपमा आईतबार डोजर चलाएपछि अतिक्रमित क्षेत्रभित्र रहेका ७२ घरधुरीहरूले सात दिनभित्र सडक क्षेत्रमा पर्ने घरहरू भत्काउने निर्णय गरिएको छ । विभिन्न संघसंस्था, पत्रकार सहितको टोलीले ७ दिन भित्र सडक क्षेत्रमा रहेका घरहरू हटाउने यद्यपी अटेर गरेमा कानुन अनुसार डोजर चलाईने सहमति गरिएको प्रहरी निरीक्षक पन्तले जानकारी दिए ।
बुटवलको राजमार्ग चौराहादेखि तिलोत्तमा जानकी नगरसम्म पर्ने ७२ घरहरू मध्ये आईतबार सांकेतिक रुपमा डोजर चलाइएको हो । आईतबार डोजर चल्दा बुटवल उद्योग बाणिज्य संघका निवर्तमान अध्यक्ष सुरेन्द्रप्रसाद पाण्डे तथा माओवादी नेता प्रकाश श्रेष्ठको घरमा पनि डोजर चलेको छ । बुटवल उद्योग बाणिज्य संघका निवर्तमान अध्यक्ष श्रेष्ठको घरमा डोजर चलेको थाहा पाएपछि केही संघका पदाधिकारीहरू श्रेष्ठ निवासमा जम्मा समेत भएका थिए ।
“सडक क्षेत्रभित्र रहेका सवैघरहरू हामीले भत्काउछौ” सडक परियोजना संयोजक बिरेन्द्र महासेटले बताए ।
आईतबार सुरेन्द्रप्रसाद श्रेष्ठ, प्रकाश श्रेष्ठ, मथुरा ध्वजु, जयबहादुर गुरुङ, कुल बहादुर श्रेष्ठ, चिनीयाकाजी श्रेष्ठ, तेजबहादुर श्रेष्ठ, चमेलीदेबि श्रेष्ठ र अन्य दुईजनाका घर रहेका छन् ।
व्यापारिक मार्ग विस्तार आयोजना प्रमुख विरेन्द्र महासेठ, आयोजनाका लेखा अधिकृत बसन्त राज सिग्देल, ईन्जिनियर लिला बहदाुर भण्डारी, भिमार्जुन कंडेल, बुटवल उद्योग बाणिज्य संघका अध्यक्ष
महेशमान सिंह, पत्रकार डायलसन अधिकारी, हरीप्रसाद तिवारी लगाएतको हस्ताक्षरमा भनिएको छ, “सडक सिमा भित्र निर्माण भएका घर संरचनाहरू ऋाजका मितिले ७ दिन भित्र आफै भत्काउन शुरुवात गरिने छ । यदि सो समयमा पनि भत्काउन सुरुवात नगरिएमा आयोजनाले मेशिन प्रयोग गर्ने गरी भत्काउन कुनै बाधा नपार्ने,नपर्ने, स्थानीय अवरोध आउन नदिने प्रयार गरिने छ” निर्णयमा उल्लेख छ ।
डोजर चलिरहदा केहिले हारगुहार गरेपछि ७ दिनको म्याद सहित लिखित सहमति पनि भएको छ । सहमतिमा ‘७ दिनमा हामी आफै हाम्रो घर तथा भवन भत्काउनेछौं,नभत्काए पुन डोजर चलाउन अबरोध गर्नेछैनौं’ भनिएको छ ।
0 comments